گھر سے فالتو سامان باہر نکالنا اس کی صفائی کا ایک اہم حصہ ہے۔ ہمیں کسی پیشہ ور کے یہ بتانے کی ضرورت نہیں کہ گندا گھر جس میں سب سامان بکھرا پڑا ہو نہایت ہی برا اور بے کار لگتا ہے۔ چاہے وہ بجوں کے کھیلنے کے کمرے میں پھیلے کھلونے ہوں، گھر کے آفس میں بکھرے کاغذات، فالتو سامان سے بھرا گیراج یا کپڑوں کے بڑھتے ڈھیر سے بھری الماری، بے ترتیب جگہیں دیکھنے میں کبھی اچھی نہیں لگتیں۔
بھلے ہی ایک صاف ستھرا گھر حاصل کرنا ہم سب کا مقصد ہوتا ہے، روز مرہ کی بھاگ دور میں گھر کی ویسی صفائی کے لیے وقت نہیں بچتا جیسی کہ ہم چاہتے ہیں۔ آخر میں ہم بس ہفتے کے آخر میں بکھرا سامان الماریوں میں ٹھونس کر جلدی سے ویکیوم پھیر کر یا ڈسٹنگ کر کے فارغ ہو جاتے ہیں۔ اور یہاں ہومی فائی آپ کی مدد کرتا ہے!
آپ کی آرام کی جگہیں کتنی ہی جدید کیوں نہ ہوں، ان کی وقتاً فوقتاً نئی سجاوٹ کرتے رہنا انہیں اچھا دکھانے کے لیے لازمی ہے۔ ہومی فائی کا یہ مضمون آپ کو ایک صاف ستھرا گھر حاصل کرنے میں مدد دے گا، اور اس کام سے شروع کرے گا جو سب سے اہم مگر سب سے مشکل ہے: گند باہر نکالنا۔ یہ گند سے پاک، صاف ستھرے گھر کی جانب 10 اقدام ہیں جن کی پیروی بہت مشکل نہیں اور جو چمکتے دمکتے گھر کی ضمانت ہیں۔ انہیں پڑھیے، ان پر عمل کیجیے اور فرق خود دیکھیے!
شاید یہ کبھی کام آ جائے– اگر آپ نے کوئی چیز پچھلے ایک سال سے استعمال نہیں کی تو اس کی جگہ کوڑے دان یا خیرات میں دی جانے والی چیزوں میں ہے۔
مزید دیکھیے: گھر میں سامان رکھنے کی فالتو جگہوں کے لیے 10 تجاویز۔